قلبي مافضى لغيرك وفضلك

دواعي الخير
لب الكرامة
مشاركات: 395
اشترك في: الاثنين أكتوبر 19, 2009 5:14 pm

قلبي مافضى لغيرك وفضلك

مشاركة بواسطة دواعي الخير » الاثنين إبريل 01, 2013 11:33 am

(')
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه





القلب عاف البشر كلـــها ولك راد
مشي سافر تذكركـــــــــم ولك راد
العرب ماطيبو علتي والكــــــــراد
دواي انتا ياهل مبعد عليــــــــــه





وحق الي بده القرأن بسمه
تركني وضاعت من اشفاي بسمه
القلب ماصاح بسمي صاح بسمه
لان هو القلب والروح اليه




حلاوه وعسل يالغالي صفن بيــــــــــــك
وعقلي ماصفن بحد صفن بيــــــــــــك
الليالي وين يمدلل صفن بيــــــــــــك
وخلن شوفتك حسره عليــــــــــــــــه




قصيده انته ارد احفضنك ورد بيــــــــــك
يامايي ومنبعك صافي ورد بيــــــــــك
صحيح اصفن وروحلك ورد بيــــــــــك
بحلاتك ماشفت فوق الوطيــــــــــــه





كلبي مافضى لغيرك وفضلك
وروحي مانست طيبك وفضلك
اميزك بين الف صاحب وافضلك
ويضل حبك اثر مطبوع بيه





رمح جارح وكتنه خله بينه
ثبتنه وعيب بانت خله بينه
طبع احنه من ابونه خله بينه
نبيع رواحنه لجل الخوية







حلاوه وطيب للياكل من تمرنــــــــــــــا
نحب نسمع كلامك من تمرنــــــــــــــــــــــا
تميل البصره كلها من تمرنــــــــــــــــا
ولك شط العرب ياخذ تحيـــــــــــــــــه




هجرت القلم من بعدك ولكتـــــــــــــــــــــاب
وقلبي من العشق بطل ولك تــــــــــــــــــــــاب
وحق الكعبة ورسل والكتــــــــــــــــــــــــاب
تظل اعز محبوب اليــــــــــــــــــــــــــــــــــــة






وك روحي الخطية مرعليها
العسل بالريج عكبك مرعليها
اذا كل يـوم بفراكك مرعليها
اهات وحزن والدمعه سويه





ملاك من السمة نازل شهد بيك
مو دم يجري بعروكك شهد بيك
تكلي شبيك بس هدني شهد بيك
اذا انتـــه عــســـل لازك بديه

بشرالحافي
لب المشاهدة
مشاركات: 1351
اشترك في: الجمعة أغسطس 07, 2009 11:06 pm
مكان: الجسد في غربة والروح في وطن

قلبي مافضى لغيرك وفضلك

مشاركة بواسطة بشرالحافي » الثلاثاء إبريل 02, 2013 10:19 pm

تعال وشوف كلبي من بعدكم
حزين ومايحب احد بعدكم
لوطال العمر وانتو بعدكم
يضل حبكم ابكلبي الى يوم الحساب



ركبت براس كوكب وين اهلنا
ندور بالمنازل وين اهلنا
يهل طرف المجابل وين اهلنا
غدو عني وعنك چالسراب

اخي دواعي الخير

سلمت يداك

بأبتظار جديدك دوما

أضف رد جديد

العودة إلى ”منتدى العتابات أبوذية“